بقلم سيدة الركح  فاطمة بصور

                              

يْلا جِينا نْحَقّْقُو،
فْ السَّرّْ اٌلْمَكُنُونْ،
لاَفُوتْ فَ اٌلشَّمْسْ،
لَمْضَوّْيَة هَدْ اٌلْكُونْ،
حِيتْ  هِيَ اٌلِّلي كَتْخُونْ،
عَنْدْ لَغْرُوبْ...
اٌتْصَدّْ ؤُتَعْطِي بْ لَگْفَى،
بَاشْ اٌتْقَلَّبْ عَلْ اٌلدّْفَى،
 تْبَاتْ فْ شُونْ  دَاكْ لَبَحَرْ،
ؤُتَعْطِي فُرْصَة لَ اٌللِّيلْ،
بَاشْ حَتَّى هُوَ يْبَاتْ،
يْبَاتْ يَزْهَى مْعَ دُوكْ اٌلنّْجُومْ
23/6/2020