بقلم سيدة الركح فاطمة  بصور

                             

# مَ كَايْنْ بَاسْ#

شْكُونْ،
دِيكْ اٌلِّليلَة،
طْفَى مَنْ سْمَايَا نَجْمَة،
وْخَلَّانِي نَلْگَانِي،
بْلاَ خَاطْرِي تَمَّـة،
نَلْگَاني يَا مَگْْوَانِي،
نَجْمَة مْضَوّْيَة سْمَاكْ،
فْ دِيكْ اٌلْحَـلْمَة،
گُولْ نَجْمَة فْ صِفْةْ عَسَّاسْ،
عْلَى دَقَّاتْ قَـلْبَكْ،
لاَ يْفُوتُـو لَقْيَـاسْ،
مَللِّي يَتْفَگّْدَكْ خْيَـالِي،
وِيلَبْسَكْ شِيطَانِي اٌلزَّهْوَانِي،
وِيغُرَّكْ تَتْسَارَى فْ فَدَّانِي،
مَنْ لَگْدَامْ حَتَّى للَرَّاسْ،
مَ كَايْنْ بَاسْ...مَ كَايْنْ بَاسْ،
لاَ فُوتْ فِيَّا وْفِيكْ آوَلْدْ اٌلنَّاسْ،
وَلَّى وَاقِيلَا فْ دِيكْ اٌلتَّفَّاحَة،
اٌلِّلي غَرَّاتْنَا بْجُوجْ فْ خَطْرَة،
سِيحْةْ اٌلعَصْيَانْ،
ؤُلَعْقَلْ اٌلْحَفْيَانْ،
عَرًَاتْنَا بْجُوجْ يَا حَسْرَة،
وْخَلَّا تْنَا نْسَتْرُو اٌلْعَوْرَة،
بْلَا هْوَانَا  فْ دِيكْ اٌلْحَصْلَة،
يَا عْشِيرْ اٌلْغَلْطَة،
بَ وْرَاقْ شَجْرَة.

مجنونة الحرف والركح: 24/6/2020

بقلم سيدة الركح  فاطمة بصور

                              

يْلا جِينا نْحَقّْقُو،
فْ السَّرّْ اٌلْمَكُنُونْ،
لاَفُوتْ فَ اٌلشَّمْسْ،
لَمْضَوّْيَة هَدْ اٌلْكُونْ،
حِيتْ  هِيَ اٌلِّلي كَتْخُونْ،
عَنْدْ لَغْرُوبْ...
اٌتْصَدّْ ؤُتَعْطِي بْ لَگْفَى،
بَاشْ اٌتْقَلَّبْ عَلْ اٌلدّْفَى،
 تْبَاتْ فْ شُونْ  دَاكْ لَبَحَرْ،
ؤُتَعْطِي فُرْصَة لَ اٌللِّيلْ،
بَاشْ حَتَّى هُوَ يْبَاتْ،
يْبَاتْ يَزْهَى مْعَ دُوكْ اٌلنّْجُومْ
23/6/2020