International Forum For Creativity and Humanity kingdom of Morocco

Rifat Ismaili

Cikël poetik; 5 poezi të shkurtra

ETYD

Kur i lidha sytë me shami

Shkova drejt saj atë çast.

Nuk di nëse rashë 

në një pus të zi

O gjeta një ishull 

që s' ndodhet në hartë!

PARA LARGIMIT

Akrepi i orës lëviz kuturu

Si zog i paçelur i vezës.

Ti shpërthen si gonxhe tek unë

Nga thellësia e zemrës.

ILUZIONE VJESHTE

Fletët e verdha 

Lundrojnë

Si barka magjike...

Qyteti fluturon

Pas dallandysheve...

Si pergamenë

Udhëve të përkohshme

Shpresave të mëdyshme!

NDJENJË FAJI

Ulem tek ai shtrat

Ku fle vajza dhe gruaja...

I shoh dhe ndjehem fajtor.

Nga dritarja e hapur

Hyjnë klithjet e një treni

Çohem dhe unë të shkoj...

Cigarja mu shua në dorë.

SHQETËSIM

Çdo ditë që ikën

Frikë kam të vdes

Çdo natë që vjen

Kam frikë të jetoj...

Nëpër qiej enden

Parajsë e ferr;

As njërën, as tjetrën

Dot si pushtoj...